MANUEL MARÍA

 

MANUEL MARÍA

A FALA


O idioma é a chave
coa que abrimos o mundo:
o salouco máis feble, 
o pesar máis profundo.

O idioma é a vida, 
o coitelo da dor, 
o marmurio do vento, 
a palabra de amor.

O idioma é o tempo, 
é a voz dos avós
e ese breve ronsel
que deixaremos nós.



O idioma é un herdo,
patrimonio do pobo, 
maxicamente vello, 
eternamente novo.

O idioma é a patria,
a esencia máis nosa, 
a creación común 
meirande e poderosa.

O idioma é a forza
que nos xungue e sostén.
Se perdemos a fala
non seremos ninguén!

O idioma é o amor, 
o latexo, a verdade,
a fonte da que agroma
a máis forte irmandade.

Renunciar ao idioma
é ser mudo e morrer. 
Precisamos a lingua
se queremos vencer!

PRESENTACIÓNS PARA O DÍA DA PAZ

QUE É A PAZ?

ABECEDARIO DA PAZ

RECURSOS LIM PARA TRABALLAR O DÍA DA PAZ

--Url--- 
PAZ (BELÉN JUNQUERA)


O CASTELO DE AREA

UN POEMA PARA A PAZ

We sang the song

ANTONIO GARCÍA TEIJEIRO (Petando nas portas de Dylan) 

Cantamos esa canción,

esta, aquela e moitas máis,

para que limpen o sangue 

que tinxe as ondas do mar.

Cantamos esa canción,

esta, aquela e moitas máis,
para que os seres humanos

poidan tomarse da man

Cantamos esa canción,

esta, aquela e moitas máis,

para que certas feridas

poidan un día cerrar.

Cantamos esa canción, 

esta, aquela e moitas máis,

para que as aves no ceo

nunca deixen de voar.

Cantamos esa canción,

esta, aquela e moitas máis,

para que cubran as guerras

sabas con brumas de paz

30 xaneiro 2015

DÍA DA PAZ

CANCIÓNS PARA A PAZ

Que é a Paz. 2015 CraRosal María Zambrano

CONTOS PARA O DÍA DA PAZ

 Selección de Contos para Ver e Ler (Unitaria de Vide)

RECURSOS LIM PARA TRABALLAR A PAZ

- "Entre todos construimos a paz" (Ana Martínez Rey) --Url--- O soño de Lolo


 - --

DÍA DA PAZ     
JULIA GONZÁLEZ

FRASES DE GANDHI SOBRE A PAZ

"Non hai camiños para a paz, a paz é o camiño".

"Ollo por ollo e o mundo acabará cego".

"O que se obtén coa violencia só se pode manter coa violencia" 

  

CELEBRAMOS O DÍA DA PAZ

Por que celebramos o DÍA ESCOLAR DA PAZ E A NON VIOLENCIA  o 30 de xaneiro?

O día 30 de Xaneiro conmemórase a morte do líder nacional e espiritual da India, o Mahatma Gandhi, o 30 de Xaneiro de 1948, asasinado a tiros por un fanático hinduista.

Quen era Gandhi?

 Mohandas Karamchand Gandhi coñecido coma Mahatma Gandhi (Mahatma, do sánscrito "grande alma"), nado en Porbandar (Guxarat) o 2 de outubro de 1869 e finado en Nova Deli o 30 de xaneiro de 1948, foi un dos  fundadores do moderno estado indio e un influente defensor do Satyagraha (principio da non agresión, forma non violenta de protesta) como un medio de revolución.

Gandhi axudou a liberar a India do goberno británico,  O principio do satyagraha, tamén inspirou xeracións de activistas democráticos e antirracistas, incluíndo Martin Luther King e Nelson Mandela.
Gañou notoriedade internacional pola súa política de desobediencia civil e polo uso do xexún como forma de protesta. Por eses motivos as autoridades inglesas decretaron a súa prisión varias veces, que foron seguidas por protestas pedindo a súa liberación
Gandhi tivo grande influencia entre as comunidades hindú e musulmá da India. Adóitase dicir que el terminaba liortas comunais só coa súa presenza.
Gandhi iniciara un xexún o 13 de xaneiro de 1948 en protesta contra a violencia cometida por indios e paquistanís. No día 20 daquel mes, sofreu un atentado: unha bomba foi lanzada na súa dirección, mais ninguén foi ferido. Non obstante, o dia 30 de xaneiro de 1948, Gandhi foi asasinado a tiros, en Nova Delhi, por Nathuron Gods.
O último rogo de Gandhi foi  e que non se castigase ao seu asasino.
O corpo do Mahatma foi cremado e as súas cinzas botadas no río Ganxes.

Recibiu Gandhi o Premio Nobel da Paz?

Gandhi nunca recibiu o premio Nobel da Paz, a pesar de ter sido proposto como candidato cinco veces. Décadas despois o erro foi recoñecido polo comité organizador do Nobel. Cando o Dalai Lama Tenzin Gyatso recibiu o premio en 1989, o presidente do comité dixo que o premio era "en parte un tributo á memoria de Mahatma Gandhi